حلقات البصل المقرمشة

المقادير:

3 بصلات كبيرة الحجم مقطّعة حلقات منفصلة
كوب بقسماط
1/4 كوب لبن
كوب كبير زيت
كوب دقيق
ملح وفلفل
بيضة


الطريقة:
1- اخفقي البيض مع اللبن وضيفي عليهم الملح والفلفل، وقلّبيهم مع بعض كويس.

2- هاتي شرائح البصل وحطّيها في الدقيق، وبعد كده حطّيها في خليط البيض واللبن، وفي الآخر حطّيها في البقسماط.

3- بعد كده دخّلي حلقات البصل في الثلاجة وسيبيها لمدة نص ساعة، وبعد كده خرّجيها وحمّريها في الزيت لغاية لونها ما يبقى دهبي ورصّيها في أطباق التقديم.. وبالهنا والشفا.