اللحم مبخر على الطريقة المغربية وسلطات مرافقة

المقادير
كتف او فخذ الغنمي
بصل مقطع رقيق
ملح
الطريقة
نفرش البصل في الكسكاس
نملح اللحم ونديروه في الكسكاس
نخليوه احتى يطيب
نجربوه بالموس او الفورشيط احتى نتاكدو بانه طاب مزيان
هنا نقدرروا نستعملو طريقتين
اما نقدموه فورا مع الملح والكمون (اللحم المبخر)
او ندهنو لاطة الفرن بالزبدة وشوية السمن وندخلوه يتحمر(اللحم مبخر ومحمر)
نخليوه يتحمر من الجهتين في الفرن
طريقة الخضر مبخرة
المقادير
الخضر اللى استعملت
البسباس
خيزو الجزر
اللفت
البطاطا
الكرعة صغيرة
الطريقة
نبخرو الخضر متجمعه او مفرقة
نوجدو لاصوص مكونة من (زيت زيتون ثوم ملح كمون حامضة معصرة شوية الابزار معدنوس مقطع )
نخلطو الخطر مع هاذ الصلصلة ونقدموها مع اللحم
الروز مبخر
نبخرو الروز بحال طريقة السفة او نسلقوه مع شوية الملح ومعلقة الزبدة
نجمعوه بالمايونيز ونزينوه بالمعدنوس مقطع ونديروه في زلايف باش نقلبوه في صحن التقديم مع اللحم