اول شي نسلق قطع اللازانيا (طبعا لازم تكون المي مغلية وعليها ملح وزيت) لمدة15-20 دقيقة وبأثناء سلق اللازانيا نعمل الصلصة ::
مقاديرها :
3 بصلات
كيلو لحمة مفرومة
5 حبات بندورة
ملعقتين رب بندورة ( صلصة )
4 جزرات
بقدونس
اول شي نبرش البصل ونقلبه عالنار لحتى بصير لونه ذهبي وبعدين نضيف عليها اللحمة ونقلبها لحتى تستوي وبعد م تستوي اللحمة نضيف عليها البندورة المبروشة و رب البندورة
وبعد م نحرك البندورة جيدا مع اللحمة وبعد تقريبا 5- 10 دقائق
نضيف الجزر المبروش نحركهم ونخليهم مدة 5 دقائق وبعدين نضيف البقدونس المفروم يا دوب نخلي البقدونس عالنار دقيقتين بعد م تنسلق اللزانيا نصفيها (في انواع لازانيا بتلصق ببعضها يعني لازم تفكيهم عن بعض شوي شوي عشان ما يتمزعوا)
ندهن الصينية الي بدنا نعمل فيها بشوية زيت وبعدين نرص قطع اللازانيا في صينية او صحن بايركس وبعدين نضيف طبقة من الصلصة وبعدين نضيف طبقة جبنة موزاريلا مبروشة وبعدين كمان طبقة لازانيا وبعدين كمان طبقة صلصة وطبقة جبنة هيك لحتى يصيروا 3 طبقات لازانيا و 3 طيقات صلصة و 3 طبقات جبنة بعدين نحطها بالفرن (لازم يكون الفرن ساخن) حسب م تشوفوها تحمرت بس هيه بحدود ال 5-10 دقائق
الأحد فبراير 12, 2012 9:29 pm
